O‘zbek milliy kurashi asrlar davomida sayqallanib, pahlavon ota-bobolarimizdan bizgacha yetib kelgan milliy sport turidir. Milliy kurashimiz o‘sib kelayotgan avlodda milliy iftixor va vatanparvarlik tuyg‘usini mustahkamlash, mardlik, qahramonlik, hallolik fazilatlarini shakllantirish, qolaversa, sog‘lom turmush tarzini targ‘ib qilishda muhim ahamiyat kasb etadi.
         O‘zbekiston Respublikasi Prezidentining 2017 yil 2 oktabrdagi “Kurash milliy sport turini rivojlantirish chora-tadbirlari to‘g‘risida”gi qaroriga ko‘ra, 6 sentabr –  “Kurash” milliy sport turi kuni etib belgilangan.
         Mazkur sana munosabati bilan O‘zbekiston Respublikasi sport vazirligining 2025 yil 4 sentabrdagi tegishli buyrug‘iga ko‘ra, kurash milliy sport turini mamlakatimizda va jahonda targ‘ib qilish, uni ommalashtirish, nufuzini yanada oshirishi, yosh sportchilarning intellektual va ma’naviy salohiyatini yuksaltirish, ularni ona Vatanga muhabbat, sadoqat va qadriyatlarga hurmat ruhida voyaga yetkazishda qo‘shgan salmoqli hissasi, ko‘p yillik samarali mehnat va jamoat ishlaridagi faol ishtiroki uchun
                                      “Jismoniy tarbiya va sport a’lochisi” ko‘krak nishoni bilan
         – Andijon viloyat prokurori, viloyat kurash federatsiyasi raisi Abduhakimov Murodullo Tog‘ayevich;
         – Xorazm viloyat prokurori, viloyat kurash federatsiyasi raisi Ahmedov Murodxon Musaxonovich;
         – Kurash bo‘yicha Milliy terma jamoasi a’zosi Ortiqboyeva Hilola G‘ulomjon qizi;
         – Kurash bo‘yicha Milliy terma jamoasi a’zosi Esonov Umid Mansur o‘g‘li;

                                 O‘zbekiston Respublikasi Sport vazirligining tashakkurnomasi bilan
          – Farg‘ona viloyat kurash federatsiyasi ijrochi direktori Dehqonova Sevara Mamadaliyevna;
          – Kurash bo‘yicha Milliy terma jamoasi qizlar bo‘yicha treneri Matiyakubova Umida Rustamovna;
          – Kurash bo‘yicha xalqaro toifadagi hakam Boboqulov Sherqul Xolmurodovich;
          – Kurash bo‘yicha Milliy terma jamoasi a’zosi Jo‘rayev Sherali To‘rayevich;
          – Kurash bo‘yicha Milliy terma jamoasi a’zosi Qahhorova Komila Musurmon qizi;

                                 O‘zbekiston kurash federatsiyasi raisining tashakkurnomasi bilan
          – Kurash bo‘yicha Milliy terma jamoasi bosh treneri Soliyev Rizomat Aralovich;
          – Kurash bo‘yicha xalqaro toifadagi hakam Pardayev Sobir Quvondiqovich;
          – Qoraqalpog‘iston Respublikasi kurash federatsiyasi ijrochi direktori Jusupbekov Serik Qidirbayevich;
          – Andijon viloyat kurash federatsiyasi ijrochi direktori Axmedov Rustam Tursunaliyevich;
          – Buxoro viloyat kurash federatsiyasi ijrochi direktori Umarov Savridin Fatxulloyevich;
          – Navoiy viloyat kurash federatsiyasi ijrochi direktori Norov Mamadali Muradaliyevich taqdirlandilar.
              Taqdirlangan yurtdoshlarimizni, qolaversa, o‘zbek kurashi sportining rivojiga hissa qo‘shayotgan, yosh avlod sportchilarini xalqaro arenalarga munosib tarzda yetishtirishda xizmat qilayotgan barcha sport fidoyilarini “Kurash” milliy sport turi kuni bilan muborakbod etamiz.

#Kurash #KurashDay #KurashFamily